Boshlovchilar uchun qo`llanma: CFD savdosida qilinadigan va qilinmaydigan ishlar

Bu post dastlab Deriv tomonidan 2022-yil 17-martda chop etilgan.

CFD (farq uchun kontrakt) savdosi turli aktivlarni sotib olmasdan turib, ularning narxlari harakati haqida spekulyatsiya qilish imkonini beradi. 

Savdo turining yuqori xavfli, yuqori mukofotli tabiati uning oshib borayotgan mashhurligining asosiy omilidir. Biroq, yangi boshlovchilar boshida biroz yo`qolgandek tuyulishi mumkin. Shuning uchun CFD savdosiga kirishdan oldin mustahkam poydevor yaratish kerak. Ishni boshlashingizga yordam beradigan ba`zi maslahatlar va eng yaxshi amaliyotlar.

Qilish: CFD savdosining eng yaxshi amaliyotlari  

Ishonchli broker va to`g`ri CFD savdo platformasini tanlang

Moliyaviy faoliyatingiz bilan shug`ullanadigan har qanday muassasaning, ayniqsa siz tanlagan CFD brokerining ishonchliligini tekshirish juda zarur. CFD savdo xizmatlarini taqdim etuvchi brokerning tartibga solinishi va ularning litsenziyalari qonuniy va yangilanganligiga ishonch hosil qilishingiz kerak. Savdo ehtiyojlaringiz uchun eng mos platformani tanlashdan oldin boshqa treyderlaning sharhlarini tekshirish ham yaxshi g`oya.

Deriv da biz sizga eng yaxshi savdo tajribasini taqdim etishga intilamiz. Shuning uchun biz barcha tartibga solish ma`lumotlarimizni oson foydalanish mumkin bo`lgan holda saqlaymiz. Biz CFD savdosi uchun ikkita variantni ham taklif qilamiz: barcha-bir-joyda Deriv MT5 platformasi va to`liq sozlanuvchi Deriv X platformasi. Ushbu platformalarda siz bizning Derived indekslarimiz ostidagi forex, aktsiyalar & indekslar, tovarlar, kriptovalyutalar, ETFlar yoki sintetik indekslarga oid CFDlar o`rtasida savdo qilishingiz mumkin. 

Uy vazifangizni bajaring

Yangi boshlovchilar uchun o`rganish uchun ko`plab savdo shartlari mavjud bo`lganligi sababli, birinchi savdoni amalga oshirishdan oldin tez-tez ishlatiladigan jargon va tushunchalarni o`rganish juda muhimdir. O`zingizni qulay his qilganingizdan so`ng, o`rganganlaringizni sinab ko`rish uchun Deriv demo hisobini yaratishingiz mumkin. Sizning Deriv demo hisobingiz virtual mablag`larda 10,000 USD miqdorida boshlang`ich balans bilan keladi, bu esa sizga CFD savdo strategiyalaringizni xavfsiz tarzda mashq qilish imkonini beradi.

Biroq, o`rganish shu yerda tugamaydi. Savdo sanoati doimiy ravishda o`zgarib turadi, siz vaqti-vaqti bilan notanish atamalar yoki tushunchalarga duch kelishingiz mumkin. Yangilanib turish uchun, brokeringizning so`nggi postlarini tekshiring yoki onlayn savdo hamjamiyatlaridan maslahat so`rang. Axir, hatto ekspertlar ham o`z bilimlarini vaqti-vaqti bilan yangilab turishlari kerak.

Portfelingizni diversifikatsiya qiling, lekin uni muvozanatda saqlang

Turli moliyaviy bozorlarda savdo qilish uchun ko`plab aktivlar mavjud bo`lgani sababli, yangi boshlovchilar uchun CFD savdosi tez orada haddan tashqari murakkab bo`lib ketishi mumkin. Bir vaqtning o`zida barcha bozorlar va aktivlar haqida o`rganishga harakat qilmang, lekin barcha e`tiboringizni bitta aktiv yoki bozorga qaratmang. O`zingizga mos muvozanatni toping.

Boshlang`ich nuqta sifatida, 2-3 ta aktiv va bozorga e`tibor qaratish yaxshiroq. Masalan, agar siz aktsiyalarda CFD savdosi qilishga qaror qilsangiz, turli sohalarga tegishli aktsiyalarni tanlang va fond indekslari bo`yicha CFD savdosini ham sinab ko`ring. Bu sizga bozorlarni chuqur o`rganish va narxlar turli triggerlarga qanday munosabatda bo`lishini tushunish imkoniyatini beradi. 

Portfelingizni tarmoqlar bo`yicha diversifikatsiya qilish, agar bitta sanoatdagi aktiv yaxshi ishlamasa, sizga qulay bo`lganidan ko`proq narsani yo`qotishning oldini olishga yordam beradi.

Xatarlarni boshqarish vositalaridan foydalaning

CFD savdosi vaqtida foydalanishingiz mumkin bo`lgan bir nechta xatarni boshqarish vositalari mavjud. Foydali vositalardan biri bu stop loss xususiyatidir. CFD savdosida stop loss bilan, bozor sizga qarshi harakat qilgan taqdirda savdongizni yopishni xohlagan narxni belgilaysiz. Bozor narxi bu darajaga yetganda yoki undan o`tganda, savdongiz avtomatik ravishda yopiladi. Agar samarali ishlatilsa, savdolaringizda stop loss ni o`rnatish sizga sezilarli himoya berishi mumkin.

Qilmasligi kerak: CFD bilan savdo qilishda qochish kerak bo`lgan narsalar

Hisobingizni haddan tashqari leverage lashtirmang

Ko`pchilik treyderlаr CFDlarni marjа аsosida savdo qilishni afzal ko`radilar, bu leverage savdo deb ham ataladi. Leverage bilan savdo qilish shuni anglatadiki, savdoni ochish uchun aktivlar qiymatining ma`lum bir foizini to`lashingiz kerak, qolgan qismini esa brokeringiz qoplaydi. Leverage sizga katta pozitsiyalar bilan, lekin kichik boshlang`ich kapital bilan bozorga kirishga imkon beradi. Savdo qilayotgan bozoringiz, davlatingiz qonunlari, siz tanlagan broker va boshqa bir nechta omillarga qarab leverage miqdori o`zgarishi mumkin.

Leverage dan foydalanish katta savdolarni ochishning ajoyib usuli bo`lib, bu kattaroq potensial foyda olishga ham olib kelishi mumkin. Bu foydani oshirishi mumkin bo`lsa-da, zararni ham kuchaytirishi mumkin. Bu yerda qo`llanadigan qoida shundan iboratki, siz savdongizning nafaqat foizini, umumiy miqdorini ham to`lay olsangiz, xavfsiz bo`lasiz. Agar qo`lingizdan kelmasa, ehtimol, siz leverage miqdorini juda yuqori o`rnatgansiz.

Savdo qilayotganda hissiyotlarga berilib ketmang

Ehtimoliy zarar bilan yuzlashganda, ko`p treyderlаr o`z pullarini qaytarib olish uchun impulsiv qarorlar qabul qilishni boshlaydilar, bu odatda yanada kattaroq zararlarga olib keladi. Savdo strategiyasiga amal qiling va pullaringizni qaytarib olish uchun hissiy savdo qilish o`rniga yo`qotishingizning sababini tushunib oling. 

Hissiy savdoning yana bir misoli - bu odamlarning ma`lum aktivlarga hissiy bog`lanib qolishidir. Ammo ularning kelajakdagi narx harakatlari haqida qanday fikrda bo`lishingizdan qat`i nazar, rejangizni o`zgartirmang. Dastlabki strategiyangizga amal qiling.

Tungi to`lovni unutmang

CFD brokerlarining ochiq pozitsiyalar uchun tungi to`lov olishi keng tarqalgan amaliyotdir. Savdolaringizni tun bo`yi ochiq saqlash foydali bo`lishi-bo`lmasligini doimo o`ylab ko`rishingiz kerak, chunki vaziyat har qanday tomonga o`zgarishi mumkin. 

Birinchi stsenariy — sizda foydasiz savdo bor va uni qayta tiklashga va keyingi kuni foydali savdoga aylantrishga umid qilasiz. Agar bozor sizning bashoratingizga qarshi borsa, sizda yanada kattaroq zarar va pozitsiyangizni tunda ochiq saqlash uchun qo`shimcha to`lov bo`ladi. Xuddi shu narsa juda kam foyda keltiradigan savdolarga ham tegishli. Tungi to`lov foydani yo`q qilib yuborishi mumkin. Shuning uchun, ishonchingiz komil bo`lmagan savdolarni ko`rib chiqish va mulohaza qilish har doim yaxshiroq.

Boshqa tomondan, ba`zida savdoni tunda ochiq saqlash sizga yuqoriroq foyda keltirishi mumkin. Biroq, siz o`sha ma`lum savdoda foyda ko`rishni kutayotgan vaqt oralig`ini belgilashingiz kerak. Agar ma`lum vaqtgacha u foydali bo`lmasa, uni ko`rib chiqing va saqlashga arzish-arzimasligini qaror qiling.

__

Muvaffaqiyatli CFD treyderi bo`lish uchun o`rganish kerak bo`lgan yana ko`plab darslar bor, lekin asosiy qilish va qilmaslik kerak bo`lgan narsalarni bilish birinchi va eng muhim qadamdir. Agar siz CFDlar bilan savdo qilish va foyda/zararni hisoblash haqida ko`proq bilishni istasangiz, bizning CFD savdo qo`llanmamizni ko`rib chiqing.